5 yaşlı qızın qulağını dartdı...- Sumqayıtda qorxunc qarət

Sumqayıtda azyaşlıya qarşı soyğunçuluq edilib.

News24.az-ın əldə etdiyi məlumata görə, hadisə oktyabrın 5-də saat 18 radələrində şəhərin 6-cı mikrorayonundakı 20 saylı binanın qarşısında baş verib. Binada yaşayan 5 yaşlı qız həyətdə oynayarkən tanımadığı şəxsin hücumuna məruz qalıb. O, uşağın qulağındakı qızıl sırğanı qopararaq qaçıb.

Faktla bağlı Sumqayıt Şəhər Polis İdarəsi tərəfindən əməliyyat-axtarış tədbirləri həyata keçirilir.