G7 ölkələrinin maliyyə nazirlərinin görüşü gələn ilin mayında keçiriləcək

Böyük Yeddilik (G7) ölkələrinin maliyyə nazirlərinin görüşü 2023-cü il mayın 11-13-də Yaponiyanın Niiqate şəhərində keçiriləcək.

News24.az xəbər verir ki, bunu Yaponiyanın maliyyə naziri Syuniti Sudzuki Vaşinqtonda G20 ölkələrinin maliyyə nazirləri və mərkəzi bank rəhbərlərinin görüşündən sonra keçirilən mətbuat konfransında deyib.

“Uğurlu görüşün keçirilməsi üçün biz bu işdə iştirak edən bütün təşkilatlarla sıx əməkdaşlıq edirik və bu tədbirə hazırlaşırıq”, - o vurğulayıb.

Onun sözlərinə görə, Zirvə görüşünə hazırlıq üçün Xarici İşlər nazirinin katibliyi yanında ofis yaradılıb.

Gələn ildə G7-yə sədrlik Yaponiyaya keçəcək. Artıq Yaponiya hökuməti 2023-cü il mayın 19-21-də Xirosimada birləşmə sammitinin keçiriləcəyini rəsmən elan edib.

Bundan əlavə, G7 ölkələrinin xarici işlər nazirlərinin görüşü aprelin 16-18-də Yaponiyanın Naqano prefekturasının Karuizava şəhərində keçiriləcək.