Krım körpüsü sabahdan işə düşəcək

Krım körpüsü ilə yük daşımaları oktyabrın 15-i axşam saatlarında həyata keçiriləcək.

News24.az xəbər verir ki, bu barədə Rusiya Baş nazirinin müavini Marat Xusnullin bildirib.

"Sabah axşama qədər biz mövcud dayaqları gücləndirməyi planlaşdırırıq. Çox güman ki, yük maşınlarını buraxmağa başlayacağıq", deyə M.Xusnullin bildirib.

Onun sözlərinə görə, bu gün körpüdən saatda 90-a qədər avtomobil keçir.

Xüsnullin onu da bildirib ki, yoxlama aparılmasa, yük maşınları körpüyə buraxılmayacaq.

“Ona görə də çox vacib olan boş yük maşınları, avtobuslar həmişəki kimi gedəcək. Yüklənmiş avtomobillər ya tamamilə yoxlanılacaq, ya bərə ilə gedəcək. Texniki baxımdan körpü avtomobillərin iki zolaqla hərəkət etməsi üçün artıq hazır olacaq", - Baş nazirin müavini deyib.

Oktyabrın 8-də Krım körpüsündə yük maşınının partlaması nəticəsində körpü sıradan çıxıb.

Rusiya Federasiyasının İstintaq Komitəsi Krım körpüsündə baş verən partlayışda iştirak edən 12 nəfərin kimliyini müəyyən edib.