Keratindən istifadə edən qadınlar xəstəliyə yoluxur? -Alimlərdən ŞOK AÇIQLAMA

Kimyəvi saç düzləşdirən maddələrdən istifadə edən qadınlarda xərçəng xəstəliyinin yaranma riski artıb.

News24.az xarici KİV-ə istinadla xəbər verir ki,  Amerika Birləşmiş Ştatlarının alimləri bunu araşdırmalar zamanı müəyyən edib.

Onlar təxminən 11 il ərzində 33 947 qadını izləyib. Bu müddət ərzində keratindən istifadə edən qadınlarda 378 uşaqlıq yolu xərçəngi aşkar edilib. 

Araşdırmalar zamanı müəyyən edilib ki, heç vaxt saç düzləşdirici vasitələrdən istifadə etməyən qadınların 70 yaşlarında uşaqlıq xərçənginə tutulma şansı 1,64 faiz təşkil edir. Kimyəvi maddələrdən istifadə edənlərdə isə bu rəqəm  4,05 faizdir.

Mütəxəssislər müəyyən ediblər ki, həmin araşdırma nəticələri saç boyalarına aid deyil.