Dünyaca məşhur müğənninin "Altın Kelebek" narazılığı

Əlcəzair əsilli fransız müğənnisi Enrico Macias yaradıcılığının 60-cı ildönümünü xüsusli qala konsertlə qeyd edəcək.

Dünyaca məşhur müğənni 9-10 fevral tarixlərində Fransanın tarixi Olimpiya məkanında konsertlər verəcək. Konsertdə Maciasın məşhur sənətçi dostları da iştirak edəcəklər. 60 illik sənət yubileyinin həyəcanını yaşayan sənətkar Türkiyədə verilən "Altın Kelebek" mükafatından yana narazılığını bildirib:

"50 ildir Türkiyədə ən çox albomu satılan xarici müğənni mənəm. 80-ə yaxın mahnım türk dilinə çevrilərək, bir çox türk sənətçiləri tərəfindən ifa edilib. Belə olan halda, niyə mənim də bir "Altın Kelebek" mükafatım olmamalıdır? Buna çoxdan layiq olduğumu düşünürəm"!

News24.Az