Fərid Qayıbov: Gənclər hər zaman dövlətin yanındadır

Şuşa-Xankəndi yolunda keçirilən etiraz aksiyasının iştirakçılarının əksəriyyətini gənclər təşkil edir. Onlar ərazidə həm fotolar, həm də video çəkirlər. Orada həm könüllülər, həm də gənclər təşkilatlarının üzvlərinin iştirak etdiyini görürük. Bu normaldır, çünki gənclər hər yerdə və ümummilli məsələlərdə birinci olmalıdırlar. Azərbaycan gəncləri hər zaman öz dövlətinin yanındadırlar.

News24.az xəbər verir ki, bunu gənclər və idman naziri Fərid Qayıbov jurnalistlərə müsahibəsində Şuşa-Laçın yolunda keçirilən aksiyada gənclərin iştirakı ilə bağlı fikirlərini bölüşərkən deyib.

Nazir qeyd edib ki, ümumiyyətlə aksiyada iştirak edənlər sadə gənclərdir. Onlar öz təşəbbüsləri ilə həmin əraziyə getmək istəyirlər. Bizim gənclərimiz hər bir çağırışa hazırdırlar. Əhalimizin dörddəbir hissəsi gənclərdən ibarətdir. Gənclər cəmiyyətin fəal iştirakçılarıdır. Gənclərimiz və gənclər təşkilatları aktivdirlər.