Ozon təbəqəsi bu tarixdə bərpa olunacaq

Yerin qoruyucu ozon təbəqəsi yavaş-yavaş, lakin nəzərəçarpacaq dərəcədə bərpa olunur.

News24.az xəbər verir ki, bu barədə BMT-nin yeni hesabatında qeyd edilib. 

Bildirilib ki, Antarktida üzərindəki dəlik təxminən 43 ildən sonra tamamilə bağlanacaq. 

Dörd illik elmi qiymətləndirməyə görə, bərpa prosesi dünya ölkələrinin ozon qatını məhv edən kimyəvi maddələrin istehsalını dayandırdıqdan sonra başlayıb. 

Hesabatda deyilir ki, təxminən 2040-cı ilə qədər 30 kilometr yüksəklikdə atmosferdəki ozonun orta qlobal keyfiyyəti 1980-ci ildən əvvəlki səviyyəsinə qayıtmayacaq. Proses yavaş irəliləyir və Arktikada 2045-ci ilə qədər vəziyyət normala dönməyəcək.


Aynurə