Vağzalda sərnişinlərə bıçaqlı hücum - YARALANANLAR VAR

Fransa polisi Parisdəki Şimal vağzalında sərnişinlərə bıçaqla hücum edən şəxsə atəş açıb. 

News24.az xəbər verir ki, ölkənin Daxili İşlər Nazirliyinin rəhbəri Cerald Darman bir neçə nəfərin, o cümlədən bir polisin xəsarət aldığını açıqlayıb. 

Xəsarət alanlarının vəziyyəti ilə bağlı açıqlama verilmir.

Bildirilir, hücum səhər saat 06:45 radələrində baş verib. Hüquq-mühafizə orqanları həmin şəxsi tez zamanda zərərsizləşdirib. Onun sağ qalıb-qalmaması isə məlum deyil. /BFM/

Teymur MƏMMƏDOV