Çində son 54 ilin rekord şaxtası qeydə alındı

Çinin şimalındakı Xeylunszyan bölgəsindəki Mohe şəhərində son 54 ilin ən soyuq günü yaşanıb.

News24.az xəbər verir ki, havanın temperaturu 53 dərəcəyədək enib.

Mohe şəhəri Rusiya ilə sərhəddə yerləşir və bu bölgədə 1969-cu ildən bəri mənfi 53 dərəcə temperatur qeydə alınmayıb.

Çinin ən soyuq bölgəsi olaraq qeyd olunan və ölkənin “şimal qütbü” kimi tanınan Mohedə qış mövsümü səkkiz ay davam edir.

Mohe Çinin qış turizm mərkəzlərindən biridir./Anadolu/

Qumral Əliyeva