ATƏT-dəki 52 nümayəndə İrandakı səfirliyimizə hücumu pislədi - FOTO

ATƏT Daimi Şurasının bu gün keçirilən iclasında İrandakı səfirliyimizə hücum gündəmə gətirilib.
 
News24.az xəbər verir ki, bunu Azərbaycanın ATƏT-dəki daimi nümayəndəsi Rövşən Sadıqbəyli tviterdə yazıb.
 
O bildirib ki, iclasda ATƏT-dəki 52 nümayəndə İrandakı səfirliyimizə hücumu pisləyib:
 
“Bu hücumu pisləyən, qubanın ailəsinə başsağlığı diləyən və araşdırma tələb edən 52 ATƏT nümayəndəsinə təşəkkür edirik”.
 
Xatırladaq ki, yanvarın 27-də Bakı vaxtı ilə səhər saat 8:30 radələrində Azərbaycanın İrandakı səfirliyinə terror hücumu olub. “Kalaşnikov” markalı avtomatla silahlanan şəxs mühafizə postunu yararaq, mühafizə xidmətinin rəisi Orxan Əsgərovu qətlə yetirib, daha iki nəfəri yaralayıb.