Qurban Qurbanov: "Bu rəqibə qarşı bəzi risklərə getməliyik"

“Çox vacib oyuna çıxacağıq. İkinci dəfə bu turnirin pley-off mərhələsində olacağıq. Ötən ilkindən daha yaxşı nəticə qazanmaq istəyirik. Futbolçularım oyuna hazırdır”.

News24.az xəbər verir ki, bu fikirləri "Qarabağ"ın baş məşqçisi Qurban Qurbanov Bakıda Belçikanın "Gent" klubuna qarşı keçirəcəkləri UEFA Avropa Liqasının pley-off mərhələsinin ilk oyunundan əvvəl mətbuat konfransında deyib.

51 yaşlı mütəxəssis rəqibin sürətli oyunçulara malik olduğunu qeyd edib: “Onlar 90 dəqiqə meydanda yaxşı pressinq edirlər. Maraqlı oyun olacaq. Yaxşı nəticə ilə azarkeşləri sevindirmək istəyirik. Bu rəqibə qarşı bəzi risklərə getməliyik. Stadionda həddindən artıq diqqətli olmalıyıq”.

Foto: Teymur MƏMMƏDOV