BMT bütün ölkələri "Fələstin dövlətini tanımağa" çağırıb

BMT məruzəçiləri Fələstinin tanınması ilə bağlı birgə yazılı açıqlama veriblər.

News24.az xəbər verir ki, “Bütün ölkələr BMT-yə üzv olan 146 ölkədən nümunə götürməli, Fələstin dövlətini tanımalı və Qəzzada dərhal atəşkəsə nail olmaq üçün ixtiyarında olan bütün siyasi və diplomatik resurslardan istifadə etməlidir”, - bəyanatda deyilir.

Bildirilib ki, bu tanınma Fələstin xalqının hüquqlarının, azadlıq və müstəqillik uğrunda mübarizəsinin, çəkdiyi əziyyətlərin etirafıdır.

Fələstinin öz müqəddəratını təyinetmə hüququna malik olduğu, o cümlədən təhlükəsiz bir xalq kimi sərbəst şəkildə mövcud olmaq və inkişaf etmək imkanı olduğu vurğulanıb.

Günel Məlikzadə