Cənubi Afrikada məclisə silahlı hücum oldu: 11 nəfər öldü

Cənubi Afrikada evdə keçirilən məclis zamanı silahlı hücum baş verib.

News24.az xəbər verir ki, hadisə sentyabrın 22-də Durban şəhərində baş verib.

Polisin məlumatına görə, üç silahlı şəxs məclisin keçirildiyi evə daxil olaraq insanlara atəş açıb.

Hadisə nəticəsində 11 nəfər ölüb, 3 nəfər isə yaralanıb.

Hücumun dəstə münaqişəsi ilə bağlı ola biləcəyi ehtimal edilir.

Hazırda polis hadisəni törədən üç şəxsi axtarır. /Reuters/

Nuray Şirinova