Hindistanda partlayış: 25 nəfər həlak oldu, yaralılar var

Hindistanın cənubunda yerləşən Tamil-Nadu ştatında pirotexniki vasitələr istehsal edən fabrikdə partlayış baş verib.

News24.az xarici KİV-ə istinadən xəbər verir ki, hadisə zamanı binada olan 40 işçidən 25-i həyatını itirib.

Yaralılar xəstəxanalara çatdırılıb, onlardan bəzilərinin vəziyyəti ağır qiymətləndirilir.

Hadisə yerində axtarış-xilasetmə işləri davam etdirilir və faktla bağlı araşdırma aparılır.

İlkin ehtimala görə, faciəyə təhlükəsizlik qaydalarının pozulması səbəb olub.