İraq yeni prezidentini seçdi

İraq parlamenti "Kürdüstan Vətənpərvər Birliyi" partiyasından namizəd olan Nizar Amidi ölkənin yeni prezidenti seçib.

News24.az xəbər verir ki, namizədin lehinə 227 deputat səs verib. İkinci namizəd – Mutanna Nadir səslərin 15-ni qazanıb. 7 bülleten isə etibarsız hesab edilib.

Qeyd edək ki, daha əvvəl İraqın hazırkı prezidenti Abdel Lətif Rəşidin post uğrunda mübarizədən çəkildiyi deyilib.

57 yaşlı Amidi 2022-2024-cü illərdə İraqın ətraf mühit naziri olub və 15 il prezident administrasiyasında işləyib. Müxtəlif vaxtlarda baş məsləhətçi və prezident ofisi rəhbəri vəzifələrində çalışıb.