Madyardan Macarıstan prezidentinə çağırış: "İstefa ver!"

Macarıstanın yeni Baş naziri Peter Madyar prezident Tamaş Şuyoku dərhal istefa verməyə çağırıb.

News24.az xəbər verir ki, bu barədə Baş nazir parlamentin birinci iclasında deyib.

O bildirib ki, Macarıstan prezidentinin vəzifəsini tutmaq hüququ yoxdur, çünki son illərdə Viktor Orbanın əvvəlki hökumətinin qanun pozuntularını ört-basdır edib.

"Tamaş Şuyok Macarıstanın demokratik yenilənməsinə mane olmamalı və mayın 31-dən gec olmayaraq istefa verməlidir", - deyə o qeyd edib.

O, Şuyoku konstitusiyanın və qanunun aliliyinin qarantı olmaq əvəzinə, sosial, siyasi və maliyyə sahələrində hakimiyyətdən sui-istifadə hallarının qarşısını ala bilməməkdə günahlandırdı.