İranda daxili qarşıdurma: ABŞ-la bağlı qərarları SEPAH verir

İran daxilindəki qarşıdurmalar, xüsusilə də İslam İnqilabı Keşikçiləri Korpusunun (SEPAH) artan təsiri, ABŞ ilə vasitəçilik səylərini çətinləşdirir.

News24.az xəbər verir ki, İranın siyasi fiqurları, o cümlədən, prezident və xarici işlər naziri diplomatik danışıqlarda iştirak etməyə davam etsələr də, istənilən razılaşmanı qəbul etmək, həmçinin rədd etmək üzrə son qərar hüququ məhz SEPAH-a məxsusdur.

Məlumata görə, müharibə SEPAH-ın İran daxilində mövqelərini gücləndirib və bu da radikal fraksiyaların münaqişənin uzanmasında maraqlı olmasına səbəb olub.

Vasitəçilər gecikmələr və İran daxilindəki fikir ayrılıqlarının Vaşinqtonla daha geniş razılaşmanın əldə olunması səylərini çətinləşdirə biləcəyindən narahatdırlar.

Bundan əvvəl “The Wall Street Journal” (WSJ) xəbər verib ki, ABŞ və İran gələn həftə İslamabad şəhərində danışıqları bərpa edə bilərlər. /New York Post/