Səhiyyə nazirinin qardaşı həbs olundu - Bu ölkədə

Dağıstan Xalq Məclisinin keçmiş deputatı və respublikanın səhiyyə naziri Yaroslav Qlazovun qardaşı Kirill Qlazov həbs edilib.

News24.az xəbər verir ki, bu barədə Mahaçqala şəhərinin Kirov rayon məhkəməsinin mətbuat xidməti məlumat yayıb.

İstintaqın məlumatına görə, Qlazov 2021-ci ilin noyabrından 2022-ci ilin mart ayınadək büdcə vəsaitlərinin mənimsənilməsi sxemini təşkil edib.

Respublikanın Səhiyyə Nazirliyinin vəzifəli şəxsləri koronavirus infeksiyasını aşkar etmək üçün ekspress testlərin tədarükü üçün kommersiya təşkilatı ilə şişirdilmiş qiymətlərlə müqavilələr bağlayıblar.

Nəticədə dövlətə dəyən zərər 137 milyon rubl təşkil edib.

Keçmiş deputat mütəşəkkil dəstə tərəfindən və ya xüsusilə külli miqdarda törədilmiş dələduzluqda, yaxud vətəndaşın yaşayış sahəsi hüququnun itirilməsinə səbəb olan əməldə ittiham olunur.

Qlazov 2 ay müddətinə həbsdə qalacaq.