Tramp Putini G20 sammitinə dəvət edəcək? - Özü açıqladı

ABŞ Prezidenti Donald Tramp rusiyalı həmkarı Vladimir Putini G20 sammitinə dəvət edib-etməmək barədə hələ düşünmədiyini bildirib.

News24.az xəbər verir ki, Tramp bu barədə “GB News” telekanalına müsahibəsində bildirib.

“Bu barədə düşünməmişəm”, – deyə Tramp qeyd edib.

Tramp növbəti dəfə Rusiya-Ukrayna münaqişəsinin başa çatmasını istədiyini vurğulayıb.

O, münaqişənin nizamlanmasına iki ölkə liderlərinin bir-birinə olan nifrətinin əngəl yaratdığını da ehtimal edib.

Qeyd edək ki, G20 sammiti dekabr ayında ABŞ-nin Mayami şəhərində keçiriləcək.