Türkiyənin Maltadakı səfiri vəfat etdi

Bir müddətdir Ankarada müalicə alan Türkiyənin Maltadakı səfiri Erdeniz Şen bu gün dünyasını dəyişib. 

News24.az xəbər verir ki, Türkiyə Xarici İşlər Nazirliyi səfir Şen üçün başsağlığı mesajı yayıb:

"1996-cı ildən nazirliyimizdə xidmət edən, Türkiyə Respublikasının Maltadakı səfiri kimi dövlətimizi təmsil edən cəmiyyətimizin dəyərli üzvü Erdeniz Şeni 19 may 2025-ci il tarixində dünyasını dəyişməsini dərin hüznlə bildiririk. Mərhuma Allahdan rəhmət, yaxınlarına başsağlığı veririk".

ERDENİZ ŞEN KİMDİR?

Səfir Erdeniz Şen 12 iyul 1974-cü ildə Ankarada anadan olub və 1996-cı ildə Ankara Universitetinin Siyasi Elmlər fakültəsini bitirib. Şen həmin il Xarici İşlər Nazirliyinə daxil olub və müxtəlif bölmələrdə xidmət edib, son olaraq səfir və mərkəzi təşkilatın Xarici Siyasət Koordinasiyası Baş Direktorunun müavini vəzifələrində çalışıb. Türkiyə Böyük Millət Məclisinin sədrliyi və sədrliyində də müxtəlif vəzifələrdə çalışan Şen xaricdə Türkiyə Respublikasının Bəhreyn, Roma və Vaşinqtondakı səfirliklərində müxtəlif vəzifələrdə çalışıb. Şen daha sonra Türkiyə Respublikasının Torontodakı Baş Konsulu vəzifəsində çalışıb və 9 dekabr 2022-ci ildə Türkiyə Respublikasının Valettadakı səfiri vəzifəsinə təyin edilib. Səfir Şen evli və iki uşaq atasıdır.

Günel Məlikzadə