Ağdamda 19 yaşlı qız bıçaqlandı, dayısı oğlu saxlanıldı

Ağdamda 19 yaşlı qız bıçaqlanıb. Cinayəti törətməkdə isə dayısı oğlu şübhəli bilinir.

News24.az xəbər verir ki, hadisə rayonun Quzanlı qəsəbəsində baş verib.

Rayon sakini Cəfərova Leyla üz nahiyəsi və sol əlinin kəsilmiş yarası ilə Ağdam Rayon Mərkəzi Xəstəxanasına çatdırılıb. O, xəstəxanada olarkən dayısı oğlu tərəfindən bıçaqlandığını bildirib.

Qeyd edək ki, Leyla Cəfərova ətriyyat mağazasında satıcı işləyir.

DİN-in Mətbuat Xidmətinin Bərdə regional qrupundan bildirilib ki, polis əməkdaşlarının keçirdikləri tədbirlər nəticəsində əməli törətməkdə şübhəli bilinən 20 yaşlı şəxs saxlanılıb. Faktla bağlı araşdırma aparılır.

Yaşar Araz