Onlardan biri 20 gün əvvəl evlənibmiş, digəri isə... İtkin düşən balıqçılardan xəbər var

Astarada dənizdə itkin düşən balıqçılarla bağlı yeni təfərrüatlar məlum olub.

News24.az xəbər verir ki, itkin düşən 1997-ci il təvəllüdlü Turan Həsənov 20 gün əvvəl ailə həyatı qurubmuş. 1999-cu il təvəllüdlü Ağadədə Həsənovun isə 5 gün əvvəl övladı dünyaya gəlib. Turan Həsənov və Ağadədə Həsənov qohumdurlar.

Xatırladaq ki, onların Astara rayonunun ərazisində, Xəzər dənizində batdıqları ehtimal olunur. Hazırda itkin düşən şəxslərin axtarışları FHN-in Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-xilasediciləri tərəfindən davam etdirilir.

Yaşar Araz