İngiltərədə gənə virusu yayıldı

Böyük Britaniyanın müxtəlif bölgələrində ağır meningitə bənzər simptomlara səbəb ola bilən gənə virusu aşkar edilib.

News24.az xəbər verir ki, bu barədə ölkənin Sağlamlıq Təhlükəsizliyi Agentliyi (UKHSA) məlumat yayıb.

Qurum insanlara mütəmadi olaraq paltarlarını və bədənlərində gənə olub olmadığını yoxlamağı tövsiyə edib.

Qeyd olunur ki, gənələr özündə “gənə ensefaliti” və "Laym"  xəstəliyi də daxil olmaqla bir sıra xəstəlikləri daşıya bilər.

Virusun simptomlarına asemptomatik infeksiyalar, baş ağrıları, boyun sərtliyi, yaddaşsızlıq və yüksək hərarət daxildir.