ABŞ və Çin arasında gərginlik yenidən artdı

Tayvan lideri Kaliforniyada ABŞ Konqresinin Nümayəndələr Palatasının sədri Kevin Makkarti ilə görüşüb. 

News24.az xəbər verir ki, Tayvan mövzusunda ABŞ və Çin yenidən üz-üzə gəlib.

Pekin “Vahid Çin” prinsipinin pozulduğunu əsas gətirərək görüşə reaksiya verib.

Görüşdən sonra keçirilən birgə mətbuat konfransında Makkarti Tayvanla əlaqələrin indiki qədər heç vaxt güclü olmadığını bildirib: “Biz Tayvana silah satmağa davam etməliyik”.

O, ticarət və texnologiya sahəsində iqtisadi əməkdaşlığın gücləndirilməsi mesajını verib. Makkarti həmçinin bəyan edib ki, ABŞ-ın niyyəti Pekin administrasiyası ilə gərginliyi artırmaq deyil.

Çin Xarici İşlər Nazirliyi məsələ belə reaksiya verib: “Çin öz milli suverenliyini və ərazi bütövlüyünü qorumaq üçün qəti və təsirli tədbirlər görəcək”.