İbrahim Tatlıses yenə ölümdən döndü - Yaşadığı binada... - FOTO

İzmirdə 8 mərtəbəli yaşayış binasında yanğın olub.

News24.az xəbər verir ki, yanğın yerli vaxtla dünən axşam saat 22:00 radələrində Narlıdere rayonu, Yenikale məhəlləsində 4 blokdan ibarət 8 mərtəbəli Folkart Kompleksinin 3-cü blokunda baş verib. Sahənin çöl örtüyünün taxta olması alovun qısa müddətdə böyüməsinə səbəb olub. 

7 saat davam edən işdən sonra yanğın nəzarətə götürülüb.

Qeyd edək ki, həmin binada məşhur müğənni İbrahim Tatlısesin də mənzili yerləşir. Jurnalistlərin suallarını cavablandıran müğənni yanğının öz mənzilində başladığı ilə bağlı iddiaların əsassız olduğunu da bildirib: “Evim yuxarı mərtəbədə yerləşir. Yanğın isə aşağı mərtəbələrdən başlayıb. Hazırda İstanbuldayam. Yanğından zərər çəkən bütün insanlara şəfa diləyirəm". /Milliyet/




Qumral Əliyeva