"Bu məktəblərdə şagird davranışı qaydalarının pilot tətbiqinə başlanılıb"

Bu il fevralın 1dən ölkənin bütün şəhər və rayonlarını əhatə edən 300-dən artıq ümumtəhsil müəssisələrində şagird davranışı qaydalarının pilot tətbiqinə başlanılıb. 

News24.az xəbər verir ki, bunu elm və təhsil naziri Emin Əmrullayev bu gün keçirilən brifinqdə deyib. 

Onun sözlərinə görə, növbəti tədris ilindən qaydaların bütün ümumtəhsil müəssisələrində tətbiqi planlaşdırılır. 

Qaydaların pilot tətbiq edildiyi ümumtəhsil müəssisələrində müntəzəm şəkildə monitorinqlər aparılır. Regionlarda olan məktəblərdə müvafiq rayon təhsil idarələri tərəfindən yoxlamalar aparılır.

Turan