Gələn tədris ilindən şagird davranış qaydalarının bütün məktəblərdə tətbiqi gözlənilir

2023-2024-cü tədris ilindən etibarən şagird davranış qaydalarının bütün məktəblərdə tətbiqi gözlənilir.

News24.az xəbər verir ki, bunu elm və təhsil naziri Emin Əmrullayev bu gün keçirilən brifinqdə deyib.

Onun sözlərinə görə, şagird davranış qaydaları ilə bağlı pilot layihə hazırda 300 məktəbdə tətbiq olunur.

Qeyd edib ki, qaydaların tədris ilin sonunda toplanan məlumatlar və tədqiqatlar əsasında son düzəlişlər edilərək tətbiq edilməsi planlaşdırılır.

Bildirib ki, qaydalar özünü doğrultmadığı təqdirdə pilot layihənin müddətinin uzadılacağı gözlənilir.

Məhərrəm Əliyev