Musiqi sənəti istiqaməti üzrə ixtisaslara aid test imtahanı keçirildi

İyunun 11-də Dövlət İmtahan Mərkəzi (DİM) tərəfindən ali təhsil müəssisələrinin qabiliyyət tələb edən musiqi sənəti istiqaməti üzrə ixtisasların harmoniya və solfecio, musiqi nəzəriyyəsi və solfecio fənləri üzrə test imtahanı keçirilib.

Bu barədə News24.az-a DİM-dən bildirilib.

İmtahan Bakı, Gəncə və Naxçıvan şəhərlərində təşkil olunub.

İmtahanda 1072 abituriyentin iştirakı nəzərdə tutulmuşdu. Onlardan 879 nəfərin musiqi nəzəriyyəsi və solfecio, 113 nəfərin harmoniya və solfecio, 80 nəfərin isə həm musiqi nəzəriyyəsi və solfecio, həm də harmoniya və solfecio fənləri üzrə imtahanda iştirakı gözlənilirdi.

İmtahan nəticələrinin yaxın 2-3 gün ərzində elan edilməsi nəzərdə tutulur.