Qazaxıstanda meşə yanğınlarında 15 nəfər öldü

Qazaxıstanın şərqində, beşinci gündür ki, meşə yanğınının davam etdiyi Abay rayonunda daha bir mərhumun cəsədi tapılıb.

News24.az xəbər verir ki, bu barədə vilayət polis idarəsinin mətbuat xidməti məlumat yayıb.

Beləliklə, meşə yanğını qurbanlarının sayı 15 nəfərə çatıb. Bundan əvvəl 14 nəfərin təbii fəlakətin qurbanı olduğu, onların hamısının qoruğun Novoshulbinsk filialının əməkdaşları olduğu bildirilirdi.

Abay rayonundakı Semey Ormanı qoruğunda iyunun 8-də çıxan yanğın hələ də davam edir.