Fransada iğtişaşlar zamanı 3000-dən çox adam SAXLANILDI

Fransada son günlər iğtişaşlar zamanı 3000-dən çox adam saxlanılıb.

News24.az xəbər verir ki, bu barədə məlumatı Fransa Daxili İşlər Nazirliyi yayıb. 

Şöbə rəisi Gerald Darmanin bildirib ki, polis çətin şəraitdə işləyir və xuliqanlara qarşı sərt olmaq lazımdır.

Xatırladaq ki, Fransa polisi Nanterredə yol yoxlaması zamanı 17 yaşlı yeniyetmənin tələbləri yerinə yetirmədiyini deyərək onu güllələyib. Fransanın bir sıra şəhərlərində bir neçə gündür davam edən iğtişaşlar başlayıb.

Daxili İşlər Nazirliyinin məlumatına görə, ölkə üzrə gənclər 3,8 minə yaxın avtomobili, həmçinin polis və hökumət binalarını yandırıblar.

İqtisadiyyat Nazirliyinin məlumatına görə isə, 250-yə yaxın bank filialı, 200 ərzaq mağazası və 10-a yaxın ticarət mərkəzi talan edilib. Bir sıra şəhərlərdə polis xüsusi təyinatlıları yerləşdirilib, zirehli texnika və helikopterlər cəlb olunub. Ümumilikdə çoxu azyaşlı olmaqla 3 minə yaxın insan saxlanılıb.

Qumral