Zəlzələ anında neçə nəfər TƏBİB-ə müraciət etdi? - RƏSMİ

Ötən gün  saat 00:01 radələrində qeydə alınan zəlzələ ilə bağlı TƏBİB-in tabeliyindəki Bakı Şəhəri Təcili və Təxirəsalınmaz Tibbi Yardım Stansiyasına müraciət edənlər olub. 

Bu barədə İcbari Tibbi Sığorta üzrə Dövlət Agentliyindən News24.az-ın sorğusuna cavab olaraq bildirilib. Qurumdan bildirilib ki, ümumilikdə 34 nəfər müraciət edib. 

Məlumatda bildirilib ki, müraciət edənlərdən 26-sı qadın, 5-i kişi, 3-ü uşaq olub. Onlardan 32 nəfərə yerində yardım göstərilib, 2 nəfər isə aidiyyəti üzrə tibb müəssisəsinə təxliyə olunub.

Müraciətlər, əsasən, arterial təzyiq, stresə qarşı reaksiya, travma, bədənin müxtəlif hissələrində olan ağrılarla bağlı olub.

Aynurə Pənahqızı