"Üzr istəməlidir" - Millət vəkilindən Emin Əmrullayevə sərt sözlər

"Emin Əmrullayev deyir ki, yaşı 25-dən yuxarı gənc olmayan adamların 60 faizi oxuduğu mətndə əsas fikri başa düşmür. Sonra deyir ki, mən faktı deyirəm.  Bu nə deməkdir?  Belə fakt olar? Hansı mətni? Ölkənin Elm və təhsil naziri milləti təhqir edir".  

News24.az xəbər verir ki, bunu millət vəkili Etibar Əliyev Feysbuk hesabında bildirib.

O, nazirin bu sözlərinə görə, üzr istəməli olduğunu bildirib:

"Sən hardan bilirsən ki, 25 yaşdan yuxarı yaşı olanların 60 faizi Füzulinin, Nizaminin, Əhməd bəy Ağaoğlunun, Axundovun, Heminqueyin, Çexovun və s. yazıçı və mütəfəkkirlərin əsərlərindəki əsas fikri başa düşmür? Zirəddin heç belə danışmır. Nazir bu fikrinə görə Azərbaycan xalqından üzr istəməlidir. Bu adam nə PİRLS-i, nə PİSA-nı, nə Akkreditasiyanı, nə Bibliometrik göstəricələri, nə məzmunu, nə də QS reytinqini izah edə bilmir, lakin Azərbaycan xalqını hər addımda savadsızlıqda ittiham edir.  Bu dərsi haradan almısınız?"