Müqavilə başa çatdı: sonuncu gəmi Qara dənizi tərk etdi

“TQ Samsun” gəmisi taxıl müqaviləsi çərçivəsində Qara dəniz dəhlizindən keçərək İstanbula çatan sonuncu gəmi olub.

News24.az xəbər verir ki, bu barədə TASS-a diplomatik mənbə məlumat verib.

Agentliyin həmsöhbətinin sözlərinə görə, hazırda yükü olan gəmi daha sonra Niderlanda üzmək üçün Bosfor boğazından keçməsini gözləyir. Quru yük gəmisinin göyərtəsində 38,8 min ton kənd təsərrüfatı məhsulları var.

2022-ci il iyulun 22-də Rusiya, Ukrayna, Türkiyə və BMT nümayəndələri İstanbulda “taxıl müqaviləsi” imzalayıblar. Müqavilə Odessa da daxil olmaqla üç limandan Qara dəniz vasitəsilə Ukrayna taxıl, ərzaq və gübrə ixracında Rusiyanın yardımını nəzərdə tutur.

İstanbulda həmçinin Rusiya Federasiyası ilə BMT arasında memorandum imzalanıb ki, bu da təşkilatın Rusiya kənd təsərrüfatı məhsulları və gübrələrinin dünya bazarlarına ixracına qoyulan məhdudiyyətlərin aradan qaldırılması ilə bağlı öhdəliklərini nəzərdə tutur.

17 iyul 2023-cü ildə müqavilə başa çatdı. Rusiya Federasiyası Prezidentinin mətbuat katibi Dmitri Peskov bildirib ki, Rusiya sazişə yalnız onunla bağlı olan hissə yerinə yetirildiyi təqdirdə qayıda bilər.

Akqabay