Həkimlər uşağın başını yerinə tikdi - FOTO

İsrail həkimləri başı bədənindən qopmaq üzrə olan fələstinli uşağın həyatını xilas etmək üçün ən innovativ tibbi texnologiyasını tətbiq edib.

News24.az xəbər verir ki, bu barədə BBC məlumat yayıb.

Məlumatda bildirilib ki, İordan çayının qərb sahilində velosiped sürərkən baş verən avtomobil qəzasında on iki yaşlı Süleyman Həsənin başı az qala bədəndən ayrılıb. İsrail helikopteri onu dərhal Qüdsdəki Hadassa Ein Kerem Tibb Mərkəzinə gətirib. Həkimlər onun yaşamaq şansının 50-50 olduğunu deyiblər. 
 
Süleymanın qəza nəticəsində aldığı xəsarətlərdən biri ən pisi baş və boyun arasındakı daxili əlaqənin qırılması və bütün dəstəkləyici bağların yırtılması olub. İsrailli həkimlər qrupu onu bir neçə saat əməliyyat edib. İsrailli həkimlər texnologiya və intensiv terapiyadan istifadə edərək Süleymanın həyatını xilas edib. O, tam sağalmasına kömək etmək üçün bu həftə servikal şin taxaraq evə gedib. Onun həyatı üçün heç bir təhlükənin olmadığı bildirilib.