Maskla Zukerberq arasında döyüş BURADA KEÇİRİLƏCƏK

Amerikalı iş adamı İlon Mask bildirib ki, Mark Zukerberqlə gözlənilən dueli İtaliyada baş tutacaq. 

News24.az xəbər verir ki, o, bu barədə şəxsi sosial şəbəkə hesabında məlumat yayıb. 

“Döyüşü mənim fondum və Zukerberq fondu (UFC deyil) təşkil edəcək. Yayım X platformasında və Meta-da olacaq. Kamera çərçivəsindəki hər şey qədim Romaya aid olacaq. Bu səbəbdən müasir heç nə yoxdur. İtaliyanın baş naziri və mədəniyyət naziri ilə danışdım. Onlar epik bir yer haqqında razılığa gəliblər. Əldə edilən  gəlir veteranlara veriləcək”, - Mask yazıb.

Qeyd edək ki, Mask və Zukerberq 2023-cü ilin iyununda qarışıq döyüş sənətləri (MMA) qaydalarına uyğun döyüşmək barədə razılığa gəliblər. 
 
Ayşən