Ekvadorda minlərlə polis və əsgər həbsxanaya basqın etdi - FOTO

Ekvador keçən həftə prezidentliyə namizəd Fernando Vilyavisensio-nun öldürülməsi ilə sarsıldı. 

News24.az xarici mediaya istinadən xəbər verir ki, hökumət sui-qəsdin arxasında olduğu güman edilən “Fito” ləqəbli dəstə başçısının qaldığı həbsxanaya minlərlə polis və əsgərlə basqın edib.

8 saat davam edən əməliyyat zamanı 4 kiloqramdan artıq narkotik vasitə, 147 güllə, mobil telefon və müxtəlif əşyalar ələ keçirilib. 

Fitonun qaldığı və əksəriyyətinə nəzarət etdiyi “4 nömrəli” həbsxanaya təhlükəsizlik qüvvələri müdaxilə edə bilməyib. Fito başqa daha ciddi rejimli həbsxanaya köçürülüb. 

Qeyd edək ki, Ekvador prezident seçkilərində namizəd olan Vilyavisensio daha əvvəl iyul ayında Fitonun rəhbərlik etdiyi Los Çoneros dəstəsindən ölümlə hədələndiyini açıqlamışdı.

Bu açıqlamadan bir neçə həftə sonra o, paytaxt Kitoda silahlı hücumda həyatını itirib. 

Ümumilikdə sui-qəsdlə əlaqəsi olduğu bildirilən 6 Kolumbiyalı saxlanılıb, 1-i isə təhlükəsizlik qüvvələri ilə qarşıdurmada öldürülüb.

Günəş Mərd