Hərbi vəziyyətin müddəti UZADILDI

Volodimir Zelenski Ukraynada hərbi vəziyyətin və səfərbərliyin müddətinin noyabrın 15-dək uzadılması haqqında qanun imzalayıb.

News24.az xəbər verir ki, bu barədə Ukrayna Ali Radasının deputatı Yaroslav Jeleznyak "Telegram" kanalında bildirib.

"Prezident hərbi vəziyyətin və ümumi səfərbərliyin müddətinin 90 gün müddətinə, yəni 2023-cü il noyabrın 15-dək uzadılması haqqında qanunları imzalayıb. Onlar müvafiq olaraq, əvvəlki qüvvəyə minməmiş avqustun 18-dən fəaliyyətə başlayacaqlar", - Jeleznyak yazıb.

Qeyd edək ki, Rusiyanın bu ölkəyə hücumu səbəbindən Ukraynada 24 fevral 2022-ci ildə hərbi vəziyyət rejimi tətbiq olunub, ertəsi gün Zelenski ümumi səfərbərlik haqqında fərman imzalayıb.

Aydan