Azərbaycan Premyer Liqası: "Keşlə" "Sabah"ı böyük hesabla məğlub edib

Azərbaycan Premyer Liqası: "Keşlə" "Sabah"ı böyük hesabla məğlub edib
İDMAN

9-03-2019, 18:25

Mətn ölçüsü

Futbol üzrə Azərbaycan Premyer Liqasında XX tura start verilib. 

News24.Az "Report"-a istinadən xəbər verir ki, açılış matçında "Keşlə" "ASK Areana"da "Sabah"ı qəbul edib. Qarşılaşma meydan sahiblərinin 3:0 hesablı qələbəsi ilə yekunlaşıb. 
Görüşdə ilk iki qolu "Keşlə"nin legioneri Conatan Ayite vurub. Fransalı hücumçu 26 və 47-ci dəqiqələrdə fərqlənib. 66-cı dəqiqədə isə Cabir Əmirli yekun hesabı müəyyənləşdirib. 
Bu nəticədən sonra "Keşlə" xallarının sayını 19-a çatdırıb. "Sabah"ın isə 21 xalı var. 
Qeyd edək ki, günün digər oyununda "Qarabağ" "Zirə" ilə qarşılaşacaq. Tura sabah keçiriləcək "Qəbələ" - "Səbail" və "Sumqayıt" - "Neftçi" matçları ilə yekun vurulacaq.