Deputatın şirkəti məhkəməyə verildi

Türkiyənin Azərbaycanda fəaliyyət göstərən müəssisəsi azərbaycanlı deputatın şirkətini məhkəməyə verib. 

News24.az-ın məlumatına görə, “AZER KİM” Məhdud Məsuliyyətli Cəmiyyət ölkənin tanınmış təhlükəsizlik şirkəti olan “KASPİ Yıldız” barədə məhkəməyə müraciət edib. 

Türkiyə şirkəti “KASPİ-Yıldız”ı iki şirkət arasında bağlanan müqavilə öhdəliklərini yerinə yetirməməkdə ittiham edib.

 Şikayət Bakı Kommersiya Məhkəməsinə təqdim edilib. İş məhkəmənin hakimi Zeynəb Axundovanın icratına verilib. 

Xatırladaq ki, “KASPİ-Yıldız” şirkəti Milli Məclisin deputatı İqbal Məmmədova məxsusdur. 

Samir Əli