Media maqnatı Rupert Merdok postunu TƏRK ETDİ

Dünyanın ən nüfuzlu media imperiyalarından birini quran və ona rəhbərlik edən sağçı media maqnatı Rupert Merdok şirkətləri "Fox Corporation" və "News Corp"un sədri vəzifəsini tərk edəcəyini açıqlayıb.

News24.az APA-ya istinadən xəbər verir ki, bu barədə o, öz işçilərinə ünvanladığı məktubunda bildirib.

"Bütün peşə həyatım boyunca mən gündəlik xəbərlər və ideyalarla məşğul olmuşam və bu, dəyişməyəcək. Bizim həqiqətən istedadlı komandalarımız olduğunu bilərək artıq fərqli rol almağım üçün doğru vaxtdır", 92 yaşlı Merdok bildirib.

Merdokun böyük oğlu, artıq "Fox Corporation"un baş icraçı direktoru vəzifəsini icra edən Lachlan hər iki şirkətin yeganə sədri olacaq.

"The Wall Street Journal" və "New York Post" kimi nüfuzlu nəşrlər dərc edən "Fox" and "News Corporation"un lideri kimi Merdok onilliklər ərzində Respublikaçılar Partiyasında kifayət qədər nüfuza malik olub.