Bir çox xarici dil bilən insanlar niyə daha AĞILLIDIR?

Əgər siz ingilis, fransız, italyan və ya çin dillərini öyrənmək istəyirsinizsə, bunun ağlınıza nə qədər müsbət təsir edəcəyini bilirdiniz?

News24.az xəbər verir ki, araşdırmalar birdən çox dildə danışan insanların daha çevik və inkişaf etmiş təfəkkürə malik olduğunu təsdiqləyir. 

Araşdırmaların nəticələrinə görə, onlar daha ağıllıdır, problemləri yaradıcılıqla həll edir, hiss və emosiyalarını daha yaxşı idarə etməyi bacarırlar.

Biz əcnəbilərlə öz ana dilində rahat danışa bilsək, onlar üçün xarakterik olan bu dünyanı başqa cür dərk edə bilərik. Belə bir ifadə var: “Bir dil bir insan, iki dil iki insan”.

Biz müxtəlif baxışların əhəmiyyətini və dəyərini kəşf edirik. Birdən başqalarının görə bilmədiyi şeyləri görməyə başlayırıq. Dil bütöv bir dünyadır, öz qaydaları, zamanları, rəngləri və qavrayışları olan başqa bir kainatdır.

Birdən çox dildə danışan insanlar daha sürətli düşünür və düzgün həlləri daha tez tapırlar.

 Amerika Milli Elmlər Akademiyası tərəfindən aparılan bir araşdırma, valideynləri müxtəlif dillərdə danışan 7 aylıq körpələrin koqnitiv qazancları haqqında məlumat verir. Müxtəlif ölkələrdən olan valideynləri ilə ailələrdə böyüyən uşaqlar daha sürətli inkişaf edir, daha yaxşı öyrənir və yeni şəraitə daha yaxşı uyğunlaşırlar. 40-dan çox yaşlı ikidillilər üzərində aparılan başqa bir araşdırma , iki və ya daha çox dildə danışmağın beynin qocalmasını əhəmiyyətli dərəcədə yavaşlatdığını və demans və Alzheimer xəstəliyindən güclü şəkildə qoruduğunu göstərib.

Alimlər bu fenomeni belə izah edirlər: beyin əzələdir və xarici dil öyrənmək və gündəlik həyatda vaxtaşırı istifadə etmək onun üçün əla məşqdir. Nə qədər çox öyrənsəniz, beyniniz bir o qədər çevik olur və aydınlığını bir o qədər uzun müddət saxlayır.

Əgər siz iki dildə düşünə bilirsinizsə, bu, adi qavrayışınızı “qutudan kənara çıxarmağa” imkan verir.
 

Bu açıq görünsə də, bu mövzuda araşdırmalar da aparılmışdır. Xarici dilə yiyələnirsinizsə, istər-istəməz yaradıcı insana çevriləcəksiniz. “Psychology Today” yazır ki, ikinci dil bilmək mürəkkəb intellektual problemlərin həllini daha asan və tez tapmağa və işinizdə daha yaradıcı olmağa kömək edəcək.

120 tələbənin iştirakı ilə aparılan araşdırma nəticəsində məlum olub ki, ikidillilər morfologiya, sintaksis və yaradıcı esse tapşırıqlarını daha yaxşı yerinə yetirirlər.

Əgər uşaqlar erkən yaşlarından bir çox dildə danışırlarsa, onlar müxtəlif ideyaları və anlayışları daha yaxşı başa düşəcək və qlobal şəkildə daha yaxşı düşünə biləcəklər. İki dil bilmək beynin iki “yaradıcı” hissəsinə sahib olmaq kimidir. Onlardan biri əksər insanlar tərəfindən istifadə edilmir.

Ayşən