Tehrandakı səfirliyimizlə bağlı İrandan AÇIQLAMA: Tezliklə...

İran və Azərbaycan yanvarın 29-da hücumdan sonra fəaliyyətini dayandıran Azərbaycanın Tehrandakı səfirliyinin işinin bərpasını tezliklə müzakirə etməyi planlaşdırır. 

News24.az TASS-a istinadla xəbər verir ki, bu barədə İranın Xarici İşlər Nazirliyinin rəsmi nümayəndəsi Nasir Kənani məlumat verib.

“Azərbaycan rəsmilərinin İrana səfəri ilə bağlı planlar koordinasiya mərhələsindədir və mən sizə hələ dəqiq tarixi deyə bilmərəm. Bununla belə, sizi əmin edirəm ki, bizim gündəliyimizdə Azərbaycan səfirliyinin işinin bərpası kimi ciddi məsələlər var”, - İran XİN rəsmisi vurğulayıb.

N. Kənani əlavə edib ki, İran Azərbaycanın Tehrandakı səfirliyinin fəaliyyətini tezliklə bərpa edəcəyinə və əməkdaşların qayıdacaqlarına ümid edir: “Azərbaycan diplomatlarının Tehrana qayıtması çox yaxşı olardı və biz ümid edirik ki, tezliklə bunun baş verdiyini görə biləcəyik”.

Akqabay