"Ermənilərin Qarabağ yalanı insanı heyrətləndirir" - Korotçenko

“Qarabağ münaqişəsinin tarixini nə qədər diqqətlə, ətraflı və hərtərəfli öyrənirsinizsə, erməni millətçilərinin yalanının miqyasına bir o qədər heyrətlənirsiniz”.

News24.az xəbər verir ki, bu barədə rusiyalı hərbi ekspert İqor Korotçenko bildirib.

“Erməni millətçilərinin Qarabağla bağlı yalanlarının miqyası insanı heyrətləndirir. Dünya ictimaiyyətinin əhəmiyyətli bir hissəsini aldatmaq, nə qədər pul və səy tələb etdi. Amma həqiqət yenə də sonda qalib gəldi.

2020-ci il sentyabrın 27-dən 2023-cü ilin oktyabrına qədər baş verənlərin dərin simvolik mənası var: Qorbaçov üzərindən manipulyasiya edərək, “millətçiliyin cinini şüşədən çıxarmaqla” 35 il əvvəl SSRİ-nin dağılması prosesinə başlayan o qara qüvvələr bu gün Azərbaycanın tərəfində olan tarixi ədalətə uduzaraq, keçmiş Ermənistan SSR daxilindəki ilkin vəziyyətlərinə geri dönüblər”, - deyə Korotçenko fikrini yekunlaşdırıb.

 Ayşən