Ermənistanı tərk edin - RAVVİNDƏN ÇAĞIRIŞ

Azərbaycanın iblisləşdirilməsinə və onun düşmənlərinin Holokost mövzusundan istifadə etməsinə qarşı kampaniyanın təşəbbüskarı, bakılı ravvin Zamir İsayev yenidən Ermənistan yəhudilərinə müraciət edib.

News24.az xəbər verir ki, bu barədə ravvin öz Feysbuk hesabında yazıb.

"Bir neçə həftə əvvəl mən xəbərdarlıq etmişdim ki, Ermənistanda qalmaq yəhudilər üçün təhlükəlidir. İsrailin Diaspor Nazirliyi keçən ay iki dəfə yəhudilərə qarşı zorakılıq ehtimalını qeyd edib", - ravvin vurğulayıb.

Onun sözlərinə görə, erməni rəsmiləri və ictimai xadimlərinin antisemit və antiisrail ritorikası sinaqoqun hücuma məruz qalmasına səbəb olub, çünki nifrət nitqi zorakılığa gətirib çıxarıb.

İsayev yenidən yəhudiləri çox gec olmadan Ermənistanı tərk etməyə çağırıb və kömək etməyə hazır olduğunu təkrarlayıb.