Halevi HƏMAS-ın hücumunun qarşısını ala bilmədiklərini ETİRAF ETDİ

İsrail Müdafiə Qüvvələrinin  (İDF) Baş Qərargah rəisi general-leytenant Herzi Halevi HƏMAS-ın nüfuz etməsinə və kütləvi qətllərə imkan verən uğursuzluqları etiraf edib.

News24.az xəbər verir ki, bu barədə “The Times of Israel” yazır.

Halevi bildirib ki, IDF ölkənin və vətəndaşlarının təhlükəsizliyinə cavabdehdir: “Şənbə günü səhər Qəzza zolağının ətrafındakı ərazidə biz bununla məşğul olmadıq. Öyrənəcəyik, araşdıracağıq, amma indi müharibə vaxtıdır”.

O, həmçinin deyib ki, İsrail HƏMAS və digər qruplar tərəfindən tutulan əsirləri geri qaytarmaq üçün əlindən gələni edəcək.

“HƏMAS terrorçularının insanlarımızı, uşaqlarımızı, qadınları, xalqımızı öldürməsi insanlıqdan kənardır. İDF ağlasığmaz hərəkətlər edən amansız terrorçularla mübarizə aparır. Qəzza zolağının rəhbəri Yəhya Sinvar bu dəhşətli hücuma qərar verdi və ona görə də o və onun tabeliyində olan bütün sistem ölü şəxslərdir. Biz onlara hücum edəcəyik, onları darmadağın edəcəyik, sistemini məhv edəcəyik. Biz çoxlu terrorçuları, onların komandirləri öldürürük, bu dəhşətli, vəhşi cinayəti dəstəkləyən terror quruluşunu məhv edirik. Qəzza əvvəlki kimi görünməyəcək”, - Halevi bildirib.

O qeyd edib ki, HƏMAS-ın hücumu necə həyata keçirə bildiyini araşdırmağın vaxtı gələcək.

Akqabay