Uşaqların mənəvi, kütləvi intiharı! PUBG Playerunknown's Battlegrounds oyunu

News24.az son zamanlar müxtəlif yaş kateqoriyalı insanlar arasında yayılan PUBG playerunknowns Battlegrounds oyununun fəsadları ilə bağlı klinik psixoloq Xatirə Səfərovanın yazısını təqdim edir 

Dəyərli valideynlər nəzərinizə çatdırım ki, 2018-ci ildən telefonlara yönəldilən PUBG-oyunu uşaqları məhv etmək məqsədi ilə həyata keçirilir! Oyunun uşaqlara verdiyi fəsadlar nələrdir?

1.Dərslərə olan marağın tamamən sıfıra enməsi
2.Ailə üzvləri ilə kobud və aqressiyalı rəftar.
3.Məktəbdə tez-tez davalar 
4.Yuxusuzluq
5.Daimi əsəbi olmaq
6.Sosial məkanlara kinoya,parkda gəzməyə,havada olmaga maragın olmaması 
7.Bulimiya fikrin ən çox yeməkdə və əsasən də fast-foot yeməklərində olması.
8.Pula marağın yaranması 
9.Məqsədsizlik 
10.Özünü yekə insan kimi aparması.

Oyuna qeyd etsələr də 16+ oyunu yükləmək qeydiyyatsızdır!
Əsəbilik insan orqanizmində vəhşilik instinktini yüksəldərərək aqressiyanı formalaşdırır. Aqressiv davranışların fonunda isə o aqressiyanı söndürmək üçün beynə ötürülən siqnalların sayəsində müxtəlif növ davalarla kompensasiya edilir. Məsələn evdə bacı qardaşı ilə, ana-ata, nənə -baba və sinif yoldaşları, eləcə də müəllimləri ilə.
PUBG –diqqətin pozulmasına ən gözəl təsir edən sifarışli qüvvədir.
PUBG- unutqanlıq, keyləşdirmə, depressiya, aqressiya, kinin formalaşmasını yaradır.
Hətta oyunun tərkib hissəsində bir məqam var məsələn-sən oynayarkən düşmənini öldürdün və onun zəhmətlə topladıgı silahlar sənin oldu. Ölən uşagın oyunda indi siz təsəvvür edin hansı dərəcədə kin, nifrət formalaşdı.

Qalib gələnin isə gülüşünü təsəvvür edin və gözünüzün önündə  canlandırın görün ki, bu uşaq başqasının ölümünə necə sevinib və onun topladığı silahları necə qarət edir. Artıq onun psixikasında başqasının malını “öldürərək sahiblənmək olar”  fikri formalaşır. Hətta bu yaxınlarda Moskva şəhərində 13 yaşlı bir oglan başqasını öldürməyin nə hiss oldugunu anlamaq üçün 21 yaşlı gənc biri qızı öldürür. Uşaqlar çox həssasdırlar və onların psixikasına bu cür zərbələr onlar üçün güclü təzyiqdir!

Mavi Balina oyunu təsirini qisa müddətdə göstərsə də, bu oyun sahibini bişirə -bişirə dəmləyərək gələcəyin cinayətkarlarını hazırlayır!
Mavi balinada real intihar idisə bu oyunda mənəvi deqredassiya və mənəvi intihar nəzərdə tutulub. Bir klinik psixoloq kimi nəzərinizə çatdırım ki, bu təhlükəli siqnaldır! Gəlin komanda şəklində gələcəyimizin parlaq insanlarını xilas edək! Tədbirlərin görülməsi üçün individual yanaşaraq məsələni kökündən həll etməlisiz! Beyinləri öldürmək bədənləri öldürməkdən daha təhlükəlidir! Bütün valideynlərin axtardığı “bəs qurtuluşun yolları nədir” sualına da cavabımız var. Əgər hansısa bir şəkildə uşagı psixoloqa apara bilmirsinizsə, buna maddi imkanınız və ya vaxtınız yetmirsə belə halda çox ehtiyyatla aşagıdakı texnikanı həyata keçirə bilərsiniz.

Tərbiyə metodunda mütləq şəkildə valideynin uşaqla dostlugu və ciddiyyatı tarazlıq vəziyyətində olmalıdır! Lakin elə hallar olur ki, yeni qazanılmış davranışlara yeni tərbiyə metodları da daxil olur. Necə deyərlər zəmanə insanlarına zəmanə metodu! Təəssüflər olsun ki, burada yumşaq tərzlə davranaraq ona təsir edə bilməyəcəksiniz, lakin bu əsla və əsla uşağı vurmaq demək deyil. Burada sərt şəkildə telefonu əlindən almaq və ciddi şəkildə telefonu gizlətmək lazımdır.

Bu hərəkətinizsə uşaq sizə qarşı qişqiracaq,bagıracaq və ya monepulyasiya edəcək -lakin siz sərt baxışlarınızı unutmayın və bir kəlimə "sən 1 həftə cəzalısan" və telefonun 1 həftə olmayacaq deyirsiniz! Uşağın beynində ümid yaranır ki, 1 həftədən sonra yenə oynayacağam, yəni tam məhkum hiss etmir özünü. Həmin bir həftə içərisində isə adaptə prosesi gedir. Təmizlik işləri apararaq beynində uşagınıza yardım edəcəksiniz.
Bir daha nəzərinizə çatdırım ki, söhbət və mövzu sırf azart oyunu PUPG -dən və digər mənfi, sərt azart oyunlardan gedir! Bu oyunlara daxil olan uşağa xoşluqla izah verə bılməyəcəksiz! Çünki bu oyunun daxilində onlar özlərini sizdən güclü hesab edirlər. Heç bir fiziki təsir olmadan sərt xarakterlə telefonu gizlədirsiniz.

Həmin andan etibarən 3 gün uşağı nəzarətinizdən qaçırmırsınız və əvəzinə başqa əvəz edicilər təklif edirsiniz!  Məsələn, əgər atadırsa burada xilaskar onu özü ilə hara gedirsə ora aparacaq - dostları ilə görüşə, bir yerdə futbol oynamağa və hətta təklikdə çay içərək havada- ondan yəni uşaqdan öz həyatı barədə məsləhət alacaq. Bu uşaqda faydalılıq hissini artıracaq.  Əgər anadırsa burada xilaskar uşaqla birgə 3 gün vaxt keçirəcək və adrenalinli əyləncə yerlərinə apara bilər. Bir sözlə nəzərinizə çatdırım ki, 3 gündən sonra adaptasiya gedəcək və hətta özləri bundan məmnun qalacaqlar!
  
Çox diqqətli olun, amma bu məsələdə bir incəlik var -əgər sizin övladınız çox həssas və emosionaldırsa və ya tamamən özünə qapanandırsa, o zaman siz heç nə edə bilməyəcəksiniz və burada sırf psixoloqun işi lazımdır uşağın üzərində.

Bir klinik psixoloq kimi nəzərinizə çatdırım ki, bu təhlükəli siqnaldır! 

Gəlin komanda şəklində gələcəyimizin parlaq insanlarını xilas edək!

Tədbirlərin görülməsi üçün individual yanaşaraq məsələni kökündən həll etməlisiniz! 

Beyinləri öldürmək bədənləri öldürməkdən daha təhlükəlidir!