Ramzan Kadırovun müttəfiqi vəfat etdi - FOTO

Çeçen jurnalist, yazıçı və siyasətçi Alvi Kərimov 73 yaşında dünyasını dəyişib. 

News24.az xəbər verir ki, bu barədə “Qroznı İnform” portalı məlumat yayıb.

Qeyd edək ki, Alvi Kərimov 1950-ci il oktyabrın 2-də Leninoqorskda anadan olub. 1997-2009-cu illərdə “İnterfaks” agentliyinin Şimali Qafqaz üzrə müxbiri olub. 2000-ci ilin iyun ayından Çeçenistan Respublikasının administrasiyası rəhbərinin köməkçisi və ilk prezidenti Axmat-Xaji Kadırovun köməkçisi olub , 2009-cu ildə isə Rusiya Yazıçılar Birliyinə qəbul olunub. 2009-cu ilin martından 2020-ci ilin aprelinə qədər o, Çeçenistan rəhbəri Ramzan Kadırovun mətbuat katibi olub .

2004-cü ildə Kərimov “Çeçenistan Respublikasının fəxri vətəndaşı”, 2010-cu ildə isə “Çeçenistan Respublikasının əməkdar jurnalisti” adına layiq görülüb.

Aynurə