Silahlı hücumda 11 polis ÖLDÜ

Meksikada silahlı hücum baş verib.

News24.az xəbər verir ki, bu barədə “Haberglobal” məlumat yayıb.

Ölkənin cənubunda və qərbində baş verən iki silahlı hücum nəticəsində 11-i polis olmaqla 16 nəfər həyatını itirib.

İlk hücumda Guerrero əyalətindəki  meşəlik ərazidə gəzən polis rəisi və mühafizəçiləri naməlum şəxslərin hücumuna məruz qalıb.

Silahlı hücumda polis rəisi də daxil olmaqla 11 polis məmuru həyatını itirib.

İkinci hücumda isə Miçoakan əyalətinin Takambaro qəsəbəsində 5 nəfər ölüb, 2 nəfər yaralanıb.

Hücumun narkotik dəstələri tərəfindən həyata keçirildiyi təxmin edilir.

Hücumlardan sonra hərəkətə keçən təhlükəsizlik qüvvələri genişmiqyaslı əməliyyata başlayıb.

Ülkər Abdurahmanlı