Həyat yoldaşını zorla diləndirən şəxs SAXLANILDI - FOTO

Polisin həyata keçirdiyi əməliyyat-istintaq tədbirləri nəticəsində insan alveri ilə məşğul olmaq ittihamı ilə bir nəfər saxlanılıb.

News24.az xəbər verir ki,  bu barədə Gürcüstan Daxili İşlər Nazirliyi məlumat yayıb.

Bildirilir ki, saxlanılan şəxs əvvəllər də məhkumluq həyatı yaşamış 1975-ci il təvəllüdlü V.A.-dır.

Məlum olub ki, sözügedən şəxs maddi gəlir əldə etmək məqsədilə Batumidə həyat yoldaşına qarşı fiziki və psixoloji təzyiq göstərərək onu dilənməyə məcbur edib. Bundan əlavə, o, fiziki qüsurlu bir şəxsi aldadaraq Tbilisidən Kutaisiyə aparıb və onu da dilənməyə məcbur edib.

Faktla bağlı istinatq Gürcüstan Cinayət Məcəlləsinin iki və daha artıq şəxsə qarşı insan alverini nəzərdə tutan 143-cü maddəsinin müvafiq bəndi əsasında başladılıb.

Təqsirləndirilən şəxsi 12 ildən 15 ilədək azadlıqdan məhrumetmə cəzası gözləyir.

Aynurə