"Azərbaycanın üzləşdiyi mina probleminə kömək göstərməyə hazırıq" - Berbok

"Almaniya Azərbaycanın üzləşdiyi humanitar mina probleminin aradan qaldırılmasına kömək göstərməyə hazırdır".

News24.az xəbər verir ki, bu barədə Almaniya Federativ Respublikasının xarici işlər naziri Annalena Berbok Azərbaycan Prezidenti İlham Əliyevin qəbulunda olarkən deyib.

Almaniyanın xarici işlər naziri ölkəsinin Azərbaycan ilə Ermənistan arasında münasibətlərin normallaşdırılması, sülh müqaviləsinin imzalanması və bu xüsusda Avropa İttifaqının dəstəyi ilə aparılan Brüssel platformasını dəstəklədiyini diqqətə çatdırıb.